Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Dy aksidente me pasojë vdekjen brenda pak minutash në vend

Dy aksidente me pasojë vdekjen brenda pak minutash në vend

Qyteti bregdetar i Durrësit është përgjakur nga një tjetër aksident sot. Një aksident automobilistik për fat të keq i ka marrë jetën një katër vjeçari. 19 vjeçari Arbër Buqeza, aksidentoi katër vjeçarin Olti Ndoj. Ngjarja e rëndë u shënua pasditen e sotme në fshatin Fllakë të Durrësit.

Burime nga policia bënë të ditur se fëmija ka vdekur si pasojë e përplasjes nga një automjet. Nga të dhënat e para u mësua se vogëlushi i ka prerë rrugën automjetit. Menjëherë pas ngjarjes, drejtuesi i makinës e ka shoqëruar të voglin për në spital, por për shkak të plagëve të marra ai nuk ka mundur të mbijetojë.

Gjithashtu policia mbërriti në vendngjarje dhe po punon për zbardhjen e plotë të rrethanave që çuan në shkakun e këtij aksidenti. Ndërkaq një tjetër aksident ka ndodhur po sot në autostradën Levan-Tepelenë, ku një 45 vjeçar ka humbur jetën pasi u përplas nga një makinë. 45 vjeçari po tentonte të kalonte në anën tjetër të rrugës, kur u përplas nga një automjet, që po udhëtonte me shpejtësi.

Saturday, June 1, 2013 - 19:06
Total votes: 40