Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport
  • Vazhdon kriza e barazimeve për Romën, Juvja mund të luajë e qetë
  • Tony Blair në "The Sun": Shqipëria vend i zakonshëm për torturat dhe trajtimin e keq të të arrestuarve
  • Arratisja e Stresit nga Komisariati, shoqërohen 6 efektivë policie, po sqarohet pozicioni i tyre
  • Samiti i Ballkanit Perëndimor këtë radhë në Kosovë më 25 mars, udhëhiqet nga Thaçi me Procesin e Berlinit
  • Bushati dhe Gjiknuri në Qipro: Shqipëria e pasur me burime natyrore, ftojmë bizneset tuaja të investojnë
  • Moti i keq, përmbyten rrugët e Vlorës nga reshjet e dendura, bllokohet prej dy orësh Qafë Plloça në Korçë
  • Progresi në reforma dhe zhvillimi ekonomik, BERZH vlerëson maksimalisht Shqipërinë, me 4+
  • Refuzimi i Greqisë për bashkëpunim me trojkën, Merkel: Nuk do të ketë anulim të borxheve greke

PD: Personalitetet e shquara të vendit, pengesë në ambicien e pafre të Ramës

PD: Personalitetet e shquara të vendit, pengesë në ambicien e pafre të Ramës

Në një deklaratë për mediat, përfaqësuesja e zyrës së shtypit në PD, Silvi Bardhi ka akuzuar kryeministrin Rama shkarkimin e Nevila Nikes nga Arkiva Qendrore e Shtetit, duke theksuar se më këtë vendim ai kryeministri i ka  zbritur standardet kulturore në nivelin 0.

"Me ndryshimet në arkivën qëndrore të shtetit, Kryeministri Edi Rama ka arshivuar një herë e mirë standartet kulturore, propagandën e tij për meritokracinë, dhe premtimet e tij për cilësi në qeverisje. Askush nuk pret më që Kryeministri Rama të tregojë respekt për personalitetet si Nevila Nika, një historiane e njohur, ekspertja më e mirë e arkivave të vendit, zotëruese e 5 gjuhëve të huaja, dhe një punëtore e palodhur në këtë institucion prej më shumë se 35 vitesh.

Edi Rama i fshin me një të rënë të lapsit të tilla kontribute. Por me emërimin që ka bërë, askush nuk pret më që Kryeministri të tregojë respekt për pasurinë shpirtërore të vendit, për dosjen e madhe të letrave shqipe, për margaritarin e arkivave të shtetit. Kryeministri i ka zbritur standardet cilësore në nivelin 0, dhe ka treguar se nuk gëzon asnjë lloj ndjeshmërie ndaj institucioneve të veçanta si arkiva e shtetit.

Me mënyrën e shkarkimit, duke i dërguar dorazi zonjës Nika fermanin e zi, përmes zëvendësuesit të saj, zoti Rama ka konfirmuar dhe një herë largësinë e tij të madhe me etikën dhe respektin ndaj dinjitetit human. Kryeministri po manifeston çdo ditë babëzinë barbare në kontrollin e çdo institucioni dhe është e qartë se personalitetet e shquara të vendit i bëhen atij pengesë në këtë ambicie të pafre. Personalitete si Nevila Nika apo Zhani Ciko, i zënë rrugën projektit të kryeministrit për të sunduar kudo. Mediokriteti është i vetmi aleat që ai mund të ketë në rrugën e tij", u shpreh Bardhi.

 

Sunday, October 27, 2013 - 11:55
Total votes: 7