Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Veliaj vizitë në Luginën e Preshevës

Veliaj vizitë në Luginën e Preshevës

Ministri i Mirëqenies Sociale dhe Rinisë, Erion Veliaj, ka zhvilluar një vizitë në Luginën e Preshevës, në prag të festave të Nëntorit. Gjatë kësaj vizite, Ministri Veliaj u takua fillimisht me zyrtarët e zonës ku jetojnë shqiptarët në jug të Serbisë, me kryetarët e bashkive të Preshevës, Bujanovcit dhe deputetin shqiptar në Parlamentin serb.

Vizita e Veliajt në Preshevë është shoqëruar edhe me një incident për protokollin me policinë serbe në hyrje të kufirit serb. Mësohet se Ministri Veliaj ka refuzuar të takohet me autoritetet serbe, dhe është drejtuar menjëherë tek vendi i Lapidarit dhe zyrat e Komunës së Preshevës për t’u takuar në fillim me liderët shqiptarë aty. Pas kësaj, ai është takuar edhe me zyrtarët serbë përgjegjës për jugun. Pas këtyre takimeve, ai u shpreh se duhet të bashkëpunojmë më shumë për të ardhmen e fëmijëve tanë, të investohemi më shumë në arsim, të promovojmë më shumë historitë e suksesit të artit dhe të sportit, por dhe të japim mesazhin që një erë e re po fryn në Ballkan ku do të duhet që t’i zgjidhim gjërat nëpërmjet komunikimit.

Ndërsa, nga ana e tij, Kryetari i Komunës së Preshevës, Ragmi Mustafa ka nënvizuar se “e kemi njoftuar dhe me siguri të madhe do të përçojë këtë mesazh në qeverinë shqiptare, në mënyrë që edhe qeveria e Shqipërisë të marrë hapa për përmirësimin e jetës së shqiptarëve këtu”.

 

Sunday, November 24, 2013 - 12:58
Total votes: 24