“Deklaratat e Ahmetaj shumë të rënda”/ Gjekmarkaj i bën thirrjen e fortë SPAK: Të hetojë çdo gërmë të thënë nga ish-zv.kryeministri

Agron Gjekmarkaj, nënkryetar i Kuvendit dhe deputet i PD-së në emisionin “Të Paekspozuarit”  ka komentuar lidhur me deklaratat e bëra para pak ditës nga Arben Ahmetaj për të cilat u shpreh se janë mjaft të rënda kur thuhen nga ish numri dy i kësaj qeverie.

Ai tha se SPAK duhet të hetojë çdo gërmë të thënë nga Ahmetaj pasi sipas tij ja ka detyrim opinionit publik dhe ndërkombëtarëve dhe mbi të gjitha është një e domosdoshme.

Në çdo rast janë të tmerrshme ato që tha Ahmetaj nëse janë të gjitha të vërteta por dhe pjesërisht por në çdo rast të thëna nga numri 2 i kësaj qeveria janë të rënda. Ka një tentativë për ta s’postuar debatin dhe në parlament, dhe unë kujtoj që dikur kur një zv kryeministër u akuzua opozita doli në shesh, nëse se bën opozita, SPAK duhet të hetojë por çdo deklaratë dhe gërmë që Ahmetaj ka bërë.

Ne kemi nevojë të besojmë te drejtësia. Një nga detyrat themelore që ka opinioni publik dhe opozita është të bëjnë presion mbi SPAK që deklarata e Ahmetaj të kalojnë në sitë dhe të hetohen një për një sepse ja kanë detyrim Shqipërisë, ndërkombëtarëve dhe është e domosdoshme që kjo të ndodhë.